قصيدة بعنوان يا عراق

فرحتي تغر الناس عبالهم فرحان....بس ما يدرون دمعتي بوسط الكلب وية الاحزان
اشلون افرح واني ...غريب الوطن والازمان
وكلبي عفتة بتراب العراق...اخ منك يالحنان
احن لتراب دجلة...والوالدة من تلوليلك قبل متنام
واحن لجرح بغداد....اخاف يوجعهة واني مو يمهة سهران
واحن للفرات...حتي دمعي بالفرات يصير عذبان
صحيح الزمن طفة شمعة...بس اصواني الشموع ترجع ويدمعة
اذرفهة بترابك يا مسك و كافور....وشلونة الدمع بترابك من يعطرة
حتى المطر من تتبلل الكاع...تكول عريس هالوطن بليلة الدخلة
بس الجرح يكطع الاوصال....يصير بنت دجلة ما تلكي مي تشربة
ويصير الفرات عطشان و....شط العرب ما تبقى بي نخلة
اشلون افرح بس كلي اشلون...وحب هالبلد بالكلب لزكة
لك حتة من اريد انساه ....الكة إلة بكلبي الف ذكرى
اكو واحد ينسى تراب ....جان بالحجلة عليه يتعلم الممشى
واكو واحد ينسة امة....من جانت قبل ميروح للمدرسة اتحضر الجنطة
ولك البلد مو بس تراب وكاع .....البلد احنة و محنة و هِمة و غُمة وسطر بالتاريخ اسمة
وسطر بالتاريخ اسمة