أماني النوم في عين الضمير

حزينه لحظة افراقك مثل حزن وشفق مغرب-------

كثر هم(ن) لجى في عين صاحبك وروابيها.


سكن وإستوطن أحداقه مابين الشوك والعقرب-----

بعد كسرة فتات القلب لقى الروح ونهش فيها.


على كثر البشر ماعاش ف احساسي ولا أغرب-----

من انك بين رمشيني ملكتي الروح وأمانيها.


أماني الغيث ياجدب السنين الغابر المترب------

أماني النوم في عين الضمير الحي يجفيها.


أماني مالها أول بدت وأول مثل يضرب ------

مسير الحي يتلاقى (أمل) ياليت ألاقيها.


وأماني مالها منشود ولا دكتور ومجرب------

عجز طبه عن جراحه تسائل من يداويها.


وأماني مالها آخر تخيلت إن البحر يشرب؟-----

ألاياليت ألا ليته يغيث الروح ويسقيها .


تعتبك ياجروح الملح تعبتك وين ما أهرب-----

وفيّه والفراق ارحم من التلويح بيديها.


بيديها نقشة الحنا ولاعاد الهوى يطرب!------

ولون ٍ خضب كفوفه يذكرني الشفق فيها